ಎಸ್‌ಟಿಎಸ್‌ ಯಶವಂತಪುರದ ಜನತೆಯ ಹೆಮ್ಮೆಯ ಶಾಸಕ – ಟಿ. ಪ್ರಭಾಕರ್‌

ಬೆಂಗಳೂರು: ನಮ್ಮ ಶಾಸಕರು ನಮ್ಮ ಹೆಮ್ಮೆ ಎಂದು ಯಶವಂತಪುರದ ಗ್ಯಾರಂಟಿ ಸಮಿತಿಯ ಸದಸ್ಯ ಟಿ.ಪ್ರಭಾಕರ ಹೇಳಿದರು. ಹೊಸ ಸುದ್ದಿಯ ವಿಶೇಷ ಸಂದರ್ಶನದಲ್ಲಿ ಅವರು ಮಾತನಾಡುತ್ತ ಯಶವಂತಪುರ ಕ್ಷೇತ್ರವನ್ನು ಮಾದರಿ ಕ್ಷೇತ್ರವನ್ನಾಗಿ ಮಾಡಲು ಶಾಸಕ ಎಸ್ ಟಿ ಸೋಮಶೇಖರ್ ಮಾಡುತ್ತಿರುವ ಅಭಿವೃದ್ಧಿ ಕೆಲಸ ಕ್ಷೇತ್ರದ ಪ್ರತಿಯೊಬ್ಬ ಮತದಾರರ ಮನೆಯಲ್ಲಿ ಅವರ ಜನಪ್ರಿಯತೆಯನ್ನು ಹೆಚ್ಚಿಸಿದೆ ಎಂದು ಅಭಿಪ್ರಾಯಪಟ್ಟರು.

ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ನೀಡಿರುವ ಗ್ಯಾರಂಟಿ ಯೋಜನೆ ಹಾಗೂ ಸಿಎಂ ಸಿದ್ದರಾಮಯ್ಯ ಅವರ ನೇತೃತ್ವದ ಸರ್ಕಾರ ಬಡ ಕುಟುಂಬಗಳಿಗೆ ಅಸರೆಯಾಗಿದೆ. ಯಶವಂತಪುರ ಕ್ಷೇತ್ರದಲ್ಲಿ ಕೂಡ ಬಡ ಕುಟಂಬಗಳಿಗೆ ನಾವು ಗ್ಯಾರಂಟಿ ಯೋಜನೆಯನ್ನು ತಲುಪಿಸಿದ್ದೇವೆ. ರಾಜ್ಯದಲ್ಲಿ ಜನಪರ ಸರ್ಕಾರ ಆಡಳಿತ ನಡೆಸುತ್ತಿದ್ದು, ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ 18-20 ಸ್ಥಾನ ಗೆಲ್ಲುತ್ತದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

2024ರ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿಗಳು ಗೆಲ್ಲುತ್ತಾರೆ ಎಂದು ನನಗೆ ವಿಶ್ವಾಸವಿದೆ. ದೇಶದಲ್ಲಿ 10 ವರ್ಷಗಳಿಂದ ಮೋದಿ ಸರ್ಕಾರ ಹಿಟ್ಲರ್ ರೀತಿಯಲ್ಲಿ ಸರ್ವಾಧಿಕಾರಿ ಆಡಲಿತ ನಡೆಸುತ್ತಿದೆ. ಬಿಜೆಪಿಯು ಕೆಳಮಟ್ಟದ ಸಮುದಾಯಗಳನ್ನು ಕಡೆಗಣಿಸತ್ತಿವೆ. ಕಳೆದ ಬಾರಿ ಅವರು ವಿಧಾನ ಸಭಾ ಚುನಾವಣೆಯಲ್ಲಿ ಸೋಲುವುದಕ್ಕೆ ಅವರ ನಾಯಕರುಗಳೇ ಕಾರಣ ಎಂದು ಆರೋಪಿಸಿದ ಟಿ.ಪ್ರಭಾಕರ್‌, ಬೆಂಗಳೂರು ಉತ್ತರ ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪ್ರೊ ರಾಜೇವ್ ಗೌಡ ಅವರು ಅತಿ ಹೆಚ್ಚು ಮತಗಳ ಅಂತರದಿಂದ ಗೆಲ್ಲುತ್ತಾರೆ ಎಂದು ಭರವಸೆ ವ್ಯಕ್ತಪಡಿಸಿದರು.
ಕೆಂಗೇರಿಯಲ್ಲಿ ಇರುವ ಬಿಜೆಪಿ ಮುಖಂಡರು ಸ್ಧಳೀಯ ಸಮಸ್ಯೆಗಳಿಗೆ ಗಮನ ನೀಡುತ್ತಿಲ್ಲ. ಸ್ಧಳೀಯ ಮುಖಂಡರ ಬಳಿ ಸಾಮಾನ್ಯ ಜನರು ನೀರು, ವಿದ್ಯುತ್, ರಸ್ತೆ ಸಮಸ್ಯೆಗಳನ್ನು ಹೇಳಿಕೊಂಡರೆ ಉಡಾಫೆಯಿಂದ ಉತ್ತರಗಳನ್ನು ನೀಡುತ್ತಾರೆ ಎಂಬ ಆರೋಪ ಸಾರ್ವಜನಿಕರಿಂದ ವ್ಯಾಪಕವಾಗಿ ಕೇಳಿಬರುತ್ತಿವೆ. ಯಶವಂತಪುರ ನಗರಮಂಡಲಾಧ್ಯಕ್ಷ ತಲೆ ಮೇಲೆತ್ತಿಕೊಂಡು ಓಡಾಡುತ್ತಿಲ್ಲ. ಕೇವಲ ಸುಳ್ಳು ಆರೋಪಗಳನ್ನು ಮಾಡುತ್ತಿದ್ದಾರೆಂದು ಪ್ರಭಾಕರ್‌ ಟೀಕಿಸಿದರು.

ಕ್ಷೇತ್ರದಲ್ಲಿ ಇರುವ ಕಾಂಗ್ರೆಸ್ ಕಾರ್ಯಕರ್ತರಿಗೆ ಶಾಸಕ ಎಸ್ ಟಿ ಸೋಮಶೇಖರ ಅವರು ಯಾವುದೇ ರೀತಿಯ ಕಾಂಟ್ರ್ಯಾಕ್ಟ್ ನೀಡಿಲ್ಲ. ಶಾಸಕರು ಪ್ರಾಮಾಣಿಕವಾಗಿ ಕ್ಷೇತ್ರದ ಅಭಿವೃದ್ಧಿ ಕೆಲಸಗಳನ್ನು ಮಾಡುತ್ತಾರೆ ಎಂದು ಪ್ರಶಂಸಿಸಿದ ಪ್ರಭಾಕರ್‌, ಕೆಂಗೇರಿ ವಾರ್ಡಿನ ಬಿಜೆಪಿ ಪಕ್ಷದಿಂದ 2 ಪಾಲಿಕೆ ಸದಸ್ಯರು ಕೆಂಗೇರಿ ವಾರ್ಡ್ನಲ್ಲಿ ಕೆಲಸ ಮಾಡಿದ್ದಾರೆ. ಆ ಸಮಯದಲ್ಲಿ ಎಸ್ ಟಿ ಸೋಮಶೇಖರ ಅವರು ಪಕ್ಷಭೇದ ನೋಡದೆ ಅವರನ್ನು ಜೊತೆಯಲ್ಲಿಟ್ಟುಕೊಂಡು ಕೆಲಸ ಮಾಡಿದರು. ಶಾಸಕರಾದ ಎಸ್ ಟಿ ಸೋಮಶೇಖರ್‌ ಅವರು ಕೆಂಗೇರಿ ಅಭಿವೃದ್ಧಿಗಾಗಿ ಕಾಂಟ್ರಕ್ಟ್ ನೀಡಿ ಕೆಲಸಗಳನ್ನು ಮಾಡಿಸಿದರು. ಯಾವುದೇ ರೀತಿಯ ಬೇಧ ಭಾವಗಳನ್ನು ಮಾಡದೆ ಎಲ್ಲರ ಜೊತೆ ಅಭಿವೃದ್ಧಿಗಾಗಿ ಪ್ರಾಮಾಣಿಕವಾಗಿ ಶಾಸಕರು ಕೆಲಸ ಮಾಡಿದ್ದಾರೆ. ಇಂದು ಸ್ಧಳೀಯ ಬಿಜೆಪಿಗರು ಅವರ ಮೇಲೆ ಆರೋಪ ಮಾಡುತ್ತಾ ಓಡಾಡುತ್ತಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಎಸ್ ಟಿ ಸೋಮಶೇಖರ್ ಅವರಿಗೆ ಸಂಘಟನೆ ಮಾಡುವ ಶಕ್ತಿ -ಯುಕ್ತಿ ಎರಡೂ ಇದೇ. ಅವರು ಹೋರಾಟಗಾರರು. ಅವರಿಗೆ ಯಶವಂತಪುರ ಕ್ಷೇತ್ರವೇ ಮನೆಯಿದ್ದ ಹಾಗೆ ಎಂದು ನುಡಿದ ಪ್ರಭಾಕರ್, ಇಂದು ನನ್ನ ಜೊತೆ ಇರುವ ಕಾರ್ಯಕರ್ತರ ಬಡತನವನ್ನು ಗುರುತಿಸಿ ಅವರಿಗೆ ಜೀವನೋಪಾಯ ಕಲ್ಪಿಸಿದ್ದಾರೆ. ಅವರ ಉತ್ತಮ ಕೆಲಸಗಳೇ ಇಂದು ಅವರಿಗೆ ಶ್ರೀರಕ್ಷೆಯಾಗಿದೆ ಎಂದು ನುಡಿದರು.