ದೇಶ

ಕರೂರಿನಲ್ಲಿ ವಿಜಯ್ ರ‍್ಯಾಲಿ ಕಾಲ್ತುಳಿತ: ಸಿಬಿಐ ತನಿಖೆಗೆ ಮದ್ರಾಸ್ ಹೈಕೋರ್ಟ್ ನಿರಾಕರಣೆ

Published

on

ಚೆನ್ನೈ: ನಟ ಹಾಗೂ ರಾಜಕಾರಣಿ ವಿಜಯ್ ಅವರ ರ‍್ಯಾಲಿಯಲ್ಲಿ ಕರೂರಿನಲ್ಲಿ ಸಂಭವಿಸಿದ ಭೀಕರ ಕಾಲ್ತುಳಿತದಲ್ಲಿ 41 ಮಂದಿ ಸಾವನ್ನಪ್ಪಿದ ಪ್ರಕರಣಕ್ಕೆ ಸಂಬಂಧಿಸಿದ ಸಿಬಿಐ ತನಿಖೆಗೆ ಮದ್ರಾಸ್ ಹೈಕೋರ್ಟ್ ತಾಕೀತು ನಿರಾಕರಿಸಿದೆ.

ಈ ಕುರಿತು ದಾಖಲಾಗಿದ್ದ ಎಲ್ಲಾ ಅರ್ಜಿಗಳನ್ನು ಒಟ್ಟುಗೂಡಿಸಿ ವಿಚಾರಣೆ ನಡೆಸಿದ ನ್ಯಾಯಮೂರ್ತಿಗಳಾದ ಎಂ. ದಂಡಪಾಣಿ ಮತ್ತು ಎಂ. ಜೋತಿರಾಮನ್ ಅವರ ಪೀಠ, “ತನಿಖೆ ಈಗಷ್ಟೇ ಆರಂಭ ಹಂತದಲ್ಲಿದೆ, ತಾವು ಸಮಯದ ಮೊದಲು ಅರ್ಜಿ ಹಾಕಿದ್ದೀರಿ” ಎಂಬ ಉಲ್ಲೇಖದೊಂದಿಗೆ ಸಿಬಿಐ ತನಿಖೆಗೆ ಅನುಮತಿಸಿಲ್ಲ.

ಅದೇವೇಳೆ, ನ್ಯಾಯಾಲಯವು ಸ್ಪಷ್ಟಪಡಿಸಿದ್ದು – “ಅರ್ಜಿದಾರರು ಕಾಲ್ತುಳಿತದ ನೇರ ಬಲಿಯಾದರಲ್ಲ. ಪ್ರಕರಣವನ್ನು ರಾಜಕೀಯಕರಣಗೊಳಿಸುವುದು ಬೇಡ. ಪೀಡಿತ ಕುಟುಂಬಗಳು ನ್ಯಾಯಾಲಯಕ್ಕೆ ಬಂದರೆ, ಅವರಿಗೆ ನಾವು ನ್ಯಾಯ ಒದಗಿಸುತ್ತೇವೆ” ಎಂದು ತೀವ್ರವಾಗಿ ತಿರಸ್ಕರಿಸಿದೆ.

ರಾಜ್ಯ ಸರ್ಕಾರದ ವಾದಗಳು:

  • ಹೆದ್ದಾರಿಗಳ ಬಳಿ ಯಾವುದೇ ರ‍್ಯಾಲಿ ಅಥವಾ ಸಭೆಗಳಿಗೆ SOP ರೂಪಿಸುವವರೆಗೆ ಅನುಮತಿ ಇರಬಾರದು.
  • ರಾಜಕೀಯ ರ‍್ಯಾಲಿಗಳಿಗೆ ನೀರು, ಶೌಚಾಲಯ, ಪಾರ್ಕಿಂಗ್ ಮತ್ತು ತುರ್ತು ನಿರ್ಗಮನ ಮಾರ್ಗಗಳನ್ನು ಕಡ್ಡಾಯವಾಗಿ ಒದಗಿಸಬೇಕು ಎಂಬ ನ್ಯಾಯಾಲಯದ ನಿರ್ದೇಶನ.

ಈ ಕುರಿತು ಒಂದಕ್ಕಿಂತ ಹೆಚ್ಚು ಅರ್ಜಿಗಳು ಸಲ್ಲಿಕೆಯಾಗಿದ್ದು, ಕೆಲವು ಸಿಬಿಐ ತನಿಖೆಗೆ, ಕೆಲವು SOP ರೂಪಿಸಬೇಕೆಂದು, ಮತ್ತೊಂದು ಗುಂಪು ಹೆಚ್ಚಿನ ಪರಿಹಾರಕ್ಕೆ ಒತ್ತಾಯಿಸಿವೆ. ನ್ಯಾಯಾಲಯವು ಪರಿಹಾರ ಹೆಚ್ಚಿಸುವ ಕುರಿತು ಸರ್ಕಾರಕ್ಕೆ ನೋಟಿಸ್ ಜಾರಿ ಮಾಡಿದ್ದು, ಮುಂದಿನ ವಿಚಾರಣೆಯನ್ನು ಅ.18ಕ್ಕೆ ಮುಂದೂಡಿದೆ.

Trending

Exit mobile version