Blog
ಭಾರತದಲ್ಲಿ ತಯಾರಿಸಲಾದ 19 ಅಡಿ ಎತ್ತರದ ಅಂಬೇಡ್ಕರ್ ಪ್ರತಿಮೆ ಅಮೆರಿಕದಲ್ಲಿ ಅನಾವರಣ.
ಭಾರತದ ಸಂವಿಧಾನ ಶಿಲ್ಪಿ ಡಾ.ಬಿ.ಆರ್.ಅಂಬೇಡ್ಕರ್ ಅವರ ಪ್ರತಿಮೆಯನ್ನು ಯು ಎಸ್ ರಾಜಧಾನಿ ಮೇರಿಲ್ಯಾಂಡ್ ಉಪನಗರದಲ್ಲಿ ನಗರದಲ್ಲಿ ಉದ್ಘಾಟಿಸಲಾಗಿದೆ. ಅಮೆರಿಕದಲ್ಲಿರುವ ಅಂಬೇಡ್ಕರ್ ಪ್ರತಿಮೆಗಳಲ್ಲಿ ಅತ್ಯಂತ ದೊಡ್ಡ ಪ್ರತಿಮೆ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿದೆ ಪ್ರತಿಮೆ ಅನಾವರಣ ವೇಳೆ ನೂರಾರು ಅಂಬೇಡ್ಕರ್ ವಾದಿಗಳು ನೆರೆದಿದ್ದು, ಜೈ ಭೀಮ್ ಘೋಷಣೆಗಳ ನಡುವೆ 19 ಅಡಿ ಎತ್ತರದ ಸಮಾನತೆಯ ಪ್ರತಿಮೆ ಅನಾವರಣ ಮಾಡಲಾಗಿದೆ. ಸರ್ದಾರ್ ಪಾಟೀಲ್ ರವರ ಪ್ರತಿಮೆಯನ್ನು ನಿರ್ಮಿಸಿದ್ದ ಖ್ಯಾತಶಿಲ್ಪಿ ರಾಮ್ ಸುತಾರ್ ಅವರೇ ಈ ಪ್ರತಿಮೆಯನ್ನು ಸಹ ನಿರ್ಮಿಸಿದ್ದಾರೆ. ನಾವು ಇದನ್ನು ಸಮಾನತೆಯ ಪ್ರತಿಮೆ ಎಂದು ಕರೆಯುತ್ತಿದ್ದೇವೆ. ಅಸಮಾನತೆ ಭಾರತದಲ್ಲಿನ ಸಮಸ್ಯೆ ಮಾತ್ರವಲ್ಲ ಎಲ್ಲೆಡೆ ಅದು ವಿಭಿನ್ನ ರೂಪಗಳಲ್ಲಿ ಅಸ್ತಿತ್ವದಲ್ಲಿದೆ ಎಂದು ಅಂಬೇಡ್ಕರ್ ಇಂಟರ್ನ್ಯಾಷನಲ್ ಸೆಂಟು ಅಧ್ಯಕ್ಷ ರಾಮ್ ಕುಮಾರ್ ಅವರು ಪ್ರತಿಮೆ ಅನಾವರಣ ಸಮಾರಂಭದಲ್ಲಿ ತಿಳಿಸಿದರು.
ಇದು ಅಮೆರಿಕದಲ್ಲಿರುವ ಬಾಬಾ ಸಾಹೇಬರ ಅತಿ ಎತ್ತರವಾದ ಪ್ರತಿಮೆ ಆಗಿದೆ.ಅಂಬೇಡ್ಕರ್ ಅವರು ದಿನದಿಂದ ದಿನಕ್ಕೆ ಜನಪ್ರಿಯತೆಯನ್ನು ಪಡೆಯುತ್ತಿದ್ದಾರೆ ಜನರು ಈಗ ಅವರನ್ನು ಸರಿಯಾದ ರೀತಿಯಲ್ಲಿ ಅರ್ಥ ಮಾಡಿಕೊಳ್ಳುತ್ತಿದ್ದಾರೆ, ಮೊದಲು ಅವರು ಕೇವಲ ದಲಿತ ನಾಯಕ ಎಂದು ಪರಿಗಣಿಸಲಾಗುತ್ತಿತ್ತು ಆದರೆ ಈಗ ಆರ್ಥಿಕ ದುರ್ಬಲ ವರ್ಗಗಳಿಗೆ ಅವರ ಕೊಡುಗೆಯನ್ನು ಗುರುತಿಸುತ್ತಿದ್ದಾರೆ,ಎಂದು ದಲಿತ ಭಾರತೀಯ ವಾಣಿಜ್ಯ ಮಂಡಳಿ ರಾಷ್ಟ್ರೀಯ ಅಧ್ಯಕ್ಷ ರವಿಕುಮಾರ್ ಅವರು ತಿಳಿಸಿದರು.
