ಪದ್ಮಾಸನ

ಪದ್ಮವೆಂದರೆ ಕಮಲದ ಹೂವು ಎಂದರ್ಥ. ಕಮಲದ ಹೂವನ್ನು ಹೋಲುವ ಈ ಭಂಗಿಗೆ ಪದ್ಮಾಸನ ಎಂದು ಕರೆದಿದ್ದಾರೆ. ಹಿಂದೆ ಎಲ್ಲಾ ತಪಸ್ವಿಗಳು ಈ ಆಸನದಲ್ಲಿ ತಮ್ಮ ಸಾಧನೆಗೈದಿರುವುದನ್ನು ನಾವು ಕಾಣಬಹುದು. ಪದ್ಮವೆಂದರೆ ಕಮಲದ ಹೂವು ಎಂದರ್ಥ. ಕಮಲದ ಹೂವನ್ನು ಹೋಲುವ ಈ ಭಂಗಿಗೆ ಪದ್ಮಾಸನ ಎಂದು ಕರೆದಿದ್ದಾರೆ. ಹಿಂದೆ ಎಲ್ಲಾ ತಪಸ್ವಿಗಳು ಈ ಆಸನದಲ್ಲಿ ತಮ್ಮ ಸಾಧನೆಗೈದಿರುವುದನ್ನು ನಾವು ಕಾಣಬಹುದು. ಪದ್ಮಾಸನ ನೋಡಲು ಸರಳವಾಗಿ ಕಾಣುತ್ತದೆ. ಆದರೆ ಇದಕ್ಕೆ ಉತ್ತಮ ಅಭ್ಯಾಸದ ಅಗತ್ಯವಿದೆ. ಇದು ಅತ್ಯಂತ ಆರಾಮದಾಯಕವಾದ ಆಸನವಾಗಿದ್ದು, ಅದಕ್ಕಾಗಿಯೇ ಇದನ್ನು ಧ್ಯಾನಕ್ಕಾಗಿ ಆಗಾಗ್ಗೆ ಬಳಸಲಾಗುತ್ತದೆ.ನಿಮ್ಮ ದೈಹಿಕ ಮತ್ತು ಮಾನಸಿಕ ಆರೋಗ್ಯ ಸುಧಾರಿಸಬೇಕೆಂದರೆ ಯೋಗಾಸನಗಳನ್ನು ಅಭ್ಯಾಸ ಮಾಡುವುದು ಉತ್ತಮ. ಯೋಗದಲ್ಲಿ ಒಟ್ಟು 84 ಆಸನಗಳಿವೆ. ಆರಂಭಿಕರಿಗೂ ಕೂಡ ಇವು ತುಂಬಾ ಸರಳ ಮತ್ತು ಪರಿಣಾಮಕಾರಿ. ಯೋಗಾಸನ ಮಾಡುವುದರಿಂದ ನೀವು ತುಂಬಾ ತಾಜಾತನ ಮತ್ತು ನವಚೈತನ್ಯವನ್ನು ಅನುಭವಿಸಬಹುದು. ರಿಫ್ರೆಶ್ ಆಗಿರುವುದರ ಜೊತೆಗೆ, ದೈಹಿಕವಾಗಿ ಸದೃಢವಾಗಿರಲು ಮತ್ತು ಆರೋಗ್ಯವಾಗಿರಲು ಇದು ನಿಮಗೆ ಸಹಾಯ ಮಾಡುತ್ತದೆ.ಆಸನಗಳ ಹೆಚ್ಚಿನ ಹೆಸರುಗಳು ಪ್ರಕೃತಿ ಮತ್ತು ಪ್ರಾಣಿಗಳಿಗೆ ಸಂಬಂಧಿಸಿವೆ. ಯೋಗದ ಅಭ್ಯಾಸವು ಪ್ರಕೃತಿಯೊಂದಿಗೆ ಹೇಗೆ ಸಂಪರ್ಕ ಹೊಂದುತ್ತದೆ ಎಂಬುದನ್ನು ಇದು ಸೂಚಿಸುತ್ತದೆ. ಅಂದಹಾಗೆ ಯೋಗದಲ್ಲಿ ಪದ್ಮಾಸನವು ಸುಲಭವಾದ ಆಸನಗಳಲ್ಲಿ ಒಂದಾಗಿದೆ. ಇದರಿಂದ ಸಾಕಷ್ಟು ಪ್ರಯೋಜನಗಳಿವೆ.

ಪದ್ಮಾಸನ ಮಾಡುವ ವಿಧಾನ:

⦁ ಮೊದಲು ನೇರ ಕುಳಿತುಕೊಳ್ಳಬೇಕು.
⦁ ಈಗ ಬಲಗಾಲನ್ನು ಮಡಿಸಿ ಎಡಗೈನಿಂದ ಬಲಪಾದವನ್ನು ಬಲಗೈನಿಂದ ಬಲಗಾಲಿನ ಮೀನಖಂಡದ ಭಾಗವನನ್ನು ಹಿಡಿದು ಮೇಲಕ್ಕೆ ಎತ್ತಿ ಬಲಪಾದವನ್ನು ಎಡತೊಡೆಯ ಮೇಲೆ ತೆಗೆದುಕೊಳ್ಳಬೇಕು.
⦁ ಅದೇ ರೀತಿಯಲ್ಲಿ ಎಡಪಾದವನ್ನು ಬಲತೊಡೆಯ ಮೇಲೂ ತೆಗೆದುಕೊಳ್ಳಬೇಕು.
⦁ ಬೆನ್ನು ನೇರವಾಗಿರಲಿ.
⦁ ನಂತರ ಎಡಗಾಲನ್ನು ಬಿಡಿಸಿ.
⦁ ಬಲಗಾಲನ್ನು ಬಿಡಿಸಿ ಎರಡು ಕೈಗಳನ್ನು ಹಿಂದೆ ತೆಗೆದುಕೊಂಡು ವಿಶ್ರಾಂತಿ.

ಪದ್ಮಾಸನ ಅನುಕೂಲಗಳು:

⦁ ಈ ಆಸನದಿಂದ ಮೀನಖಂಡ ಮತ್ತು ತೊಡೆಗಳಲ್ಲಿರುವ ಕೊಬ್ಬಿನಂಶ ಕರಗುವುದು.
⦁ ಮಂಡಿಗಳಲ್ಲಿನ ನೋವು ನಿವಾರಣೆ ಆಗಿ ಸಡಿಲತೆ ಬುರುವುದು.
⦁ ಬೆನ್ನು ನೇರವಾಗುವುದು. ನಾಭಿಯ ಭಾಗ ಹಿಗ್ಗಲ್ಪಡುವುದು. ಕುಂಡಲಿನಿಯ ಶಕ್ತಿ ಉದ್ದೀಪನಗೊಳ್ಳುವುದು.
⦁ ಪದ್ಮಾಸನ ನಿತ್ಯ ಮಾಡುವುದರಿಂದ ಶರೀರದಲ್ಲಿನ ರೋಗ ನಿರೋಧಕ ಶಕ್ತಿ ಹೆಚ್ಚಾಗುವುದು.
⦁ ಧ್ಯಾನ ಮತ್ತು ಪ್ರಾಣಾಯಾಮಕ್ಕೆ ಉತ್ತಮ ಆಸನ ಪದ್ಮಾಸನ.
⦁ ಪದ್ಮಾಸನ ಮಾಡಿದರೆ ದೈವಿಕ ಮನೋಭಾವ ಮೂಡುತ್ತದೆ.
⦁ ದೇಹದ ಶಕ್ತಿ ಕೇಂದ್ರಗಳನ್ನು ಜಾಗೃತಗೊಳಿಸಲು ಇದು ಸಹಕಾರಿ.
⦁ ಮನಸ್ಸಿಗೆ ಶಾಂತಿ ಒದಗಿಸುತ್ತದೆ. ಧ್ಯಾನ ಮತ್ತು ಪ್ರಾಣಾಯಾಮ ಮಾಡಲು ಪದ್ಮಾಸನದ ಭಂಗಿ ಅತ್ಯಂತ ಸೂಕ್ತವಾದುದು.
⦁ ಪದ್ಮಾಸನದ ನಿಯಮಿತ ಅಭ್ಯಾಸದಿಂದ ಕಾಲುಸೆಳೆತ, ಮಂಡಿನೋವು ಹತ್ತಿರ ಸುಳಿಯುವುದಿಲ್ಲ.
⦁ ಕಾಲುಗಳ ನರ ಮತ್ತು ಮಂಡಿಗಳಿಗೆ ಹೊಸ ಹುರುಪು ಬರುತ್ತದೆ. ಹೊಟ್ಟೆ ಸಣ್ಣಗಾಗಿ ಶರೀರ ಸುಂದರವಾಗುತ್ತದೆ.
⦁ ಬುದ್ಧಿ ಚುರುಕಾಗುತ್ತದೆ, ಏಕಾಗ್ರತೆ ಮೂಡುತ್ತದೆ.
⦁ ಆತಂಕ, ಒತ್ತಡಗಳು ನಿಯಂತ್ರಣವಾಗುತ್ತವೆ.
⦁ ಹೃದಯ ವಿಶಾಲವಾಗಿ ಅಹಂಭಾವ ಕಡಿಮೆಯಾಗುತ್ತದೆ.

ಎಚ್ಚರಿಕೆ:
ತುಂಬಾ ಮಂಡಿನೋವು, ಸೊಂಟ ನೋವು ಮತ್ತು ಕಾಲಿನ ಸೆಳೆತ ಇರುವವರು ಪದ್ಮಾಸನ ಮಾಡಬಾರದು.