ಕತಾರ್ ಏರ್ವೇಸ್ ಪ್ರಯಾಣದಲ್ಲಿ 350 ಎಂಬಿಪಿಎಸ್ ವೇಗದ ವೈಫೈ ಸೌಲಭ್ಯ:ಇಲಾನ್ ಮಸ್ಕ್ ಅವರ ಸ್ಪೇಸ್ ಎಕ್ಸ್ ಜೊತೆ ಒಪ್ಪಂದ!

ಕತಾರ್ ಏರ್ವೇಸ್ ಬೆಂಗಳೂರು ಸೇರಿದಂತೆ ಭಾರತದ 13 ನಗರಗಳಿಗೆ ಫ್ಲೈಟ್ ಸೇವೆ ಒದಗಿಸುತ್ತದೆ. ದೋಹಾದಿಂದ ಬೆಂಗಳೂರಿಗೆ ಬರಲು ಪ್ರಯಾಣ ಅವಧಿ ಸುಮಾರು 4 ಗಂಟೆ ಇರುತ್ತದೆ. ಇಷ್ಟು ಹೊತ್ತು ಸಮಯ ಕಳೆಯಲು ಉತ್ತಮ ಇಂಟರ್ನೆಟ್ ಅವಶ್ಯಕವಾಗಿದೆ.ಹಿಂದೆಲ್ಲಾ ಫ್ಲೈಟ್​ಗಳಲ್ಲಿ ಮೊಬೈಲ್​ಗಳನ್ನು ಸ್ವಿಚ್ ಆಫ್ ಮಾಡಬೇಕಿತ್ತು, ಅಥವಾ ಫ್ಲೈಟ್ ಮೋಡ್​ನಲ್ಲಿಡಬೇಕಿತ್ತು. ವಿಮಾನ ಪ್ರಯಾಣಿಸುವಾಗ ವಿವಿಧ ಸ್ಟೇಷನ್​ಗಳಿಂದ ಅದಕ್ಕೆ ಸಿಗ್ನಲ್​ಗಳು ಸಿಗುತ್ತಿರುತ್ತವೆ. ಫ್ಲೈಟ್​​ನೊಳಗೆ ಯಾರಾದರೂ ಮೊಬೈಲ್ ಬಳಸಿದರೆ ಅದರಿಂದ ವಿಮಾನದ ಕಮ್ಯೂನಿಕೇಶನ್ ಸಿಸ್ಟಂಗೆ ಅಡಚಣೆ ಆಗಬಹುದು. ಹೀಗಾಗಿ, ಫ್ಲೈಟ್​ನಲ್ಲಿ ಮೊಬೈಲ್ ಆಫ್ ಮಾಡಲು ಸೂಚಿಸಲಾಗುತ್ತದೆ.ಈಗ ಕಮ್ಯೂನಿಕೇಶನ್ ಸಿಸ್ಟಂಗಳು ಸುಧಾರಣೆ ಆಗಿದ್ದು, ಇಂಟರ್ನೆಟ್ ಬಳಕೆಗೆ ಅವಕಾಶ ಮಾಡಿಕೊಡಲಾಗುತ್ತಿದೆ,ವಿಮಾನಗಳೊಳಗೆ ವೈಫೈ ಕನೆಕ್ಟಿವಿಟಿ ಕೊಡಲಾಗುತ್ತಿದೆ. ಭಾರತೀಯ ಏರ್​ಲೈನ್ಸ್ ಕಂಪನಿಗಳೂ ಇನ್-ಫ್ಲೈಟ್ ಇಂಟರ್ನೆಟ್ ಸೌಲಭ್ಯ ನೀಡುತ್ತವೆ.ಕತಾರ್ ಏರ್ವೇಸ್ ಸಂಸ್ಥೆ ಇಲಾನ್ ಮಸ್ಕ್ ಮಾಲಕತ್ವದ ಸ್ಪೇಸ್ ಎಕ್ಸ್ ಜೊತೆ ಒಪ್ಪಂದಕ್ಕೆ ಸಹಿಹಾಕಿದೆ. ಸ್ಪೇಸ್ ಎಕ್ಸ್​ನ ಸ್ಟಾರ್​ಲಿಂಕ್ ವೈಫೈ ಅನ್ನು ಬಳಸಲು ಈ ಒಪ್ಪಂದ ಕೈಗೊಳ್ಳಲಾಗಿದೆ. ಇದರೊಂದಿಗೆ ಕತಾರ್ ಏರ್ವೇಸ್ ವಿಮಾನದೊಳಗೆ ಬ್ರಾಡ್​ಬ್ಯಾಂಡ್​ನಷ್ಟು ವೇಗದ ವೈಫೈ ಇಂಟರ್ನೆಟ್ ಸಿಗಲಿದೆ. ವರದಿಗಳ ಪ್ರಕಾರ 350 ಎಂಬಿಪಿಎಸ್​ನಷ್ಟು ವೇಗದ ಇಂಟರ್ನೆಟ್ ಅನ್ನು ವಿಮಾನ ಪ್ರಯಾಣಿಕರು ಉಚಿತವಾಗಿ ಪಡೆಯಬಹುದಾಗಿದೆ. ಇದರೊಂದಿಗೆ ಕತಾರ್ ಏರ್ವೇಸ್ ಇಲಾನ್ ಮಸ್ಕ್ ಅವರ ಸ್ಟಾರ್​ಲಿಂಕ್​ಗೆ ಅತಿದೊಡ್ಡ ಏರ್​ಲೈನ್ ಪಾರ್ಟ್ನರ್ ಸಂಸ್ಥೆ ಎನಿಸಿದೆ. ಸದ್ಯ, ಕತಾರ್ ಏರ್ವೇಸ್​ನ ಫ್ಲೈಟ್​ಗಳಲ್ಲಿ ಪ್ರಯಾಣಿಕರು ಗರಿಷ್ಠ 10 ಎಂಬಿಪಿಎಸ್ ವೇಗದವರೆಗೂ ಇಂಟರ್ನೆಟ್ ಪಡೆಯಬಹುದು. ಈಗ ಸ್ಟಾರ್​ಲಿಂಕ್ ಸೌಲಭ್ಯ ಸಿಕ್ಕರೆ 350 ಎಂಬಿಪಿಎಸ್​ನಷ್ಟು ವೇಗದ ವೈಫೈ ಇಂಟರ್ನೆಟ್ ಸಿಗಲಿದೆ. ಬ್ರಾಡ್​ಬ್ಯಾಂಡ್​ಗಳಲ್ಲಿ ಸಿಗುವಷ್ಟೆ ವೇಗದ ಇಂಟರ್ನೆಟ್ ಇದು.ಕತಾರ್ ಏರ್ವೇಸ್ ಈಗಷ್ಟೇ ಸ್ಟಾರ್ಲಿಂಕ್ ಜೊತೆ ಒಪ್ಪಂದ ಮಾಡಿಕೊಂಡಿದೆ. ಯಾವಾಗ ಈ ಸರ್ವಿಸ್ ಶುರುವಾಗುತ್ತದೆ ಎಂಬುದು ಗೊತ್ತಿಲ್ಲ. 350 ಎಂಬಿಪಿಎಸ್ ವೇಗದ ಇಂಟರ್ನೆಟ್ ಸಿಕ್ಕರೆ ಮೊಬೈಲ್​ಗಳಲ್ಲಿ ಆನ್​ಲೈನ್ ಗೇಮಿಂಗ್ ಇತ್ಯಾದಿ ಆಡಲು ಸಾಧ್ಯವಾಗುತ್ತದೆ.