ರಣವೀರ್ ಜತೆ ಡೇಟಿಂಗ್‌ನಲ್ಲಿದ್ದರೂ ಬೇರೆಯವರ ಜತೆ ದೀಪಿಕಾ ಓಡಾಟ!?

ನಟ, ನಟಿಯರ ಲವ್‌ಸ್ಟೋರಿಗಳೇ ಹಾಗೆ. ಕೆಲವೊಮ್ಮೆ ಸಿನಿಮಾಗಳಿಗಿಂತಲೂ ಹೆಚ್ಚು ಟರ್ನ್, ಟ್ವಿಸ್ಟ್‌ಗಳಿಂದ ಕೂಡಿರುತ್ತವೆ. 2013ರಲ್ಲಿ ಬಿಡುಗಡೆಯಾದ ‘ರಾಮ್‌ಲೀಲಾ’ ಚಿತ್ರದಲ್ಲಿ ರಣವೀರ್ ಮತ್ತು ದೀಪಿಕಾ ಒಟ್ಟಿಗೆ ನಟಿಸಿದ್ದರು. ಅದೇ ಸಮಯದಲ್ಲಿ ಡೇಟಿಂಗ್ ಪ್ರಾರಂಭಿಸಿದ ಈ ಜೋಡಿ, ಕ್ರಮೇಣ ಮನೆಯವರನ್ನು ಒಪ್ಪಿಸಿ 2018ರಲ್ಲಿ ಹಸೆಮಣೆ ಏರಿದರು. ಆದರೆ, ಡೇಟಿಂಗ್ ಸಮಯದಲ್ಲಿ ನಡೆದ ಕೆಲ ಘಟನೆಗಳ ಬಗ್ಗೆ ಕರಣ್ ಜೋಹರ್ ನಡೆಸಿಕೊಡುವ ಕಾರ್ಯಕ್ರಮದಲ್ಲಿ ರಣವೀರ್ ಮತ್ತು ದೀಪಿಕಾ ಮೌನ ಮುರಿದಿದ್ದಾರೆ.

ರಣವೀರ್, ‘ಡೇಟಿಂಗ್ ಪ್ರಾರಂಭಿಸಿದ ಆರು ತಿಂಗಳಲ್ಲೇ ನಾನು ಮದುವೆಯಾದರೆ ದೀಪಿಕಾನೇ ಅಂತ ನಿರ್ಧರಿಸಿದ್ದೆ. ನಾವಿಬ್ಬರೂ ಒಟ್ಟಿಗೇ ಪ್ರವಾಸ ಹೋಗುತ್ತಿದ್ದೆವು, ಹೊಸ ವರ್ಷವನ್ನು ಜತೆಯಾಗಿ ಆಚರಿಸುತ್ತಿದ್ದೆವು. ಹೀಗೆ ಡೇಟಿಂಗ್‌ನಲ್ಲಿದ್ದರೂ ಕೆಲ ಹುಡುಗರು ದೀಪಿಕಾ ಹಿಂದೆ ಬಿದ್ದಿದ್ದರು’ ಎಂದು ಹೇಳಿದ್ದಾರೆ. ಅದಕ್ಕೆ ದೀಪಿಕಾ, ‘ಕೆಲವು ಕೆಟ್ಟ ಸಂಬಂಧಗಳಲ್ಲಿದ್ದ ಕಾರಣ, ನಾನು ಕೆಲ ದಿನಗಳಕಾಲ ಸಿಂಗಲ್ ಆಗಿರಬೇಕು ಅಂತ ನಿರ್ಧರಿಸಿದ್ದೆ. ಆ ಸಮಯದಲ್ಲಿ ರಣವೀರ್ ನನ್ನ ಜೀವನಕ್ಕೆ ಎಂಟ್ರಿ ಕೊಟ್ಟರು. ಬೇರೆಯವರ ಜತೆ ಓಡಾಡುತ್ತಿದ್ದರೂ, ನಾನು ಮಾನಸಿಕವಾಗಿ ರಣವೀರ್ ಜತೆ ಕಮಿಟ್ ಆಗಿದ್ದ ಕಾರಣ, ಬೇರೆಯವರು ಯಾರೂ ಇಷ್ಟವಾಗಲಿಲ್ಲ’ ಎಂದು ಹೇಳಿದ್ದಾರೆ.

ಜತೆಗೆ ‘ರಣವೀರ್ ಪ್ರಪೋಸ್ ಮಾಡುವವರೆಗೂ ನಾನು ಸೀರಿಯಸ್ ಆಗಿ ಕಮಿಟ್ ಆಗಿರಲಿಲ್ಲ. ಹೀಗಾಗಿ ಬೇರೆ ಹುಡುಗರ ಜತೆಗೂ ಓಡಾಡುತ್ತಿದ್ದೆ’ ಎಂದಿದ್ದಾರೆ. ಸದ್ಯ ಅವರು ಮಾತನಾಡುತ್ತಿರುವ ವಿಡಿಯೋ ಜಾಲತಾಣದಲ್ಲಿ ಟ್ರೋಲ್ ಆಗುತ್ತಿದೆ.