15 ರೂಪಾಯಿಗೆ 3 ಹೊತ್ತು ಹೊಟ್ಟೆ ತುಂಬಾ ಊಟ! ಎನ್​ಡಿಎ ಸರ್ಕಾರದಿಂದ ಭರ್ಜರಿ ಯೋಜನೆ

ಆಂಧ್ರಪ್ರದೇಶದಲ್ಲಿ ಹೊಸ ಸರ್ಕಾರ ಅಧಿಕಾರಕ್ಕೆ ಬಂದಿದೆ. ಚಂದ್ರಬಾಬು ನಾಯ್ಡು ಆಂಧ್ರಪ್ರದೇಶದ ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ. ಹೊಸ ಸರ್ಕಾರ ಬರುತ್ತಿದ್ದಂತೆ ಐದು ವರ್ಷಗಳ ನಂತರ ಆಂಧ್ರಪ್ರದೇಶದಲ್ಲಿ ಅಣ್ಣಾ ಕ್ಯಾಂಟೀನ್​ಗಳು ಮತ್ತೆ ತೆರೆಯಲಾಗುತ್ತಿದೆ. ಇದು ಅನೇಕ ಸಾಮಾನ್ಯ ಜನರಿಗೆ ಅನುಕೂಲ ತರಲಿದೆ. ಪೌರಾಡಳಿತ ಸಚಿವ ನಾರಾಯಣ ಈ ಕುರಿತು ಮಾತನಾಡಿದ್ದು, ಮುಂದಿನ ಮೂರು ವಾರಗಳಲ್ಲಿ 100 ಅಣ್ಣಾ ಕ್ಯಾಂಟೀನ್ ಗಳನ್ನು ತೆರೆಯಲಾಗುವುದು. ಸೆಪ್ಟೆಂಬರ್ 21 ರೊಳಗೆ 203 ಕ್ಯಾಂಟೀನ್ ಗಳನ್ನು ತೆರೆಯುವ ಗುರಿ ಹೊಂದಲಾಗಿದೆ ಎಂದು ತಿಳಿಸಿದ್ದಾರೆ.

ಈ ಹಿಂದೆ ಅಣ್ಣಾ ಕ್ಯಾಂಟೀನ್​ನಲ್ಲಿ 5 ರೂ.ಗೆ ಊಟ ನೀಡಲಾಗುತ್ತಿತ್ತು. ಟಿಫಿನ್ ಕೂಡ ಅದೇ ದರದಲ್ಲಿ ಲಭ್ಯವಿತ್ತು. ಆದರೆ ಈಗ ತೆರೆದಿರುವ ಅಣ್ಣಾ ಕ್ಯಾಂಟೀನ್ ಗಳು ಅದೇ ದರವನ್ನು ಹೊಂದಿರುತ್ತವೆಯೇ? ಅಥವಾ? ಹೆಚ್ಚಾಗುತ್ತವೆಯೇ ಎಂಬುದು ಎಲ್ಲರ ಮನದಲ್ಲೂ ಮೂಡಿರುವ ಪ್ರಶ್ನೆಯಾಗಿದೆ.

ಈ ಬಾರಿಯೂ ಅಣ್ಣಾ ಕ್ಯಾಂಟೀನ್​ಗಳಲ್ಲಿ 5 ರೂ.ಗೆ ಟಿಫಿನ್ ಲಭ್ಯವಾಗಲಿದೆ. ಊಟವು ಕೂಡ 5 ರೂ.ಗೆ ಲಭ್ಯವಿರುತ್ತದೆ. ಇದರರ್ಥ ಅಲ್ಲಿನ ಜನರು 10 ರೂ.ಗೆ ದಿನಕ್ಕೆ ಎರಡು ಹೊತ್ತು ಊಟವನ್ನು ತಿನ್ನಬಹುದು. ಅಣ್ಣಾ ಕ್ಯಾಂಟೀನ್​ಗಳಲ್ಲಿ ಆಹಾರ ಮತ್ತು ಟಿಫಿನ್ ಹಳೆಯ ಬೆಲೆಯಲ್ಲಿ ಲಭ್ಯವಾಗಲಿದೆ. ರಾತ್ರಿ ಊಟ ಮಾಡಿದರೂ ದಿನಕ್ಕೆ ಕೇವಲ 15 ರೂ ಲಭ್ಯವಿದೆ. ರಾಜ್ಯದಲ್ಲಿ ಮೊದಲ ಬಾರಿಗೆ ಚಿತ್ತೂರಿನಲ್ಲಿ ಅಣ್ಣಾ ಕ್ಯಾಂಟೀನ್ ತೆರೆಯಲಾಗಿದೆ. ಇಲ್ಲಿ ಟಿಫಿನ್ ಮತ್ತು ಮಧ್ಯಾಹ್ನದ ಊಟವನ್ನು 5 ರೂ.ಗೆ ನೀಡಲಾಗುತ್ತದೆ. ಜಗ್ಗಂಪೇಟೆಯ ಕಾಕಿನಾಡ ರಸ್ತೆಯಲ್ಲಿರುವ ಎನ್ಟಿಆರ್ ಸ್ಮಾರಕ ಮಂದಿರದ ಬಳಿ ಪ್ರತಿ ಸೋಮವಾರ ಟಿಡಿಪಿ ನಡೆಸುತ್ತಿರುವ ಅಣ್ಣಾ ಕ್ಯಾಂಟೀನ್ ಅನ್ನು ಸಹ ಮತ್ತೆ ತೆರೆಯಲಾಗಿದೆ.

ಅಣ್ಣಾ ಕ್ಯಾಂಟೀನ್ ಗಳ ನವೀಕರಣ ಕಾರ್ಯವು ಈ ತಿಂಗಳ 19 ರಿಂದ ಆರಂಭಗೊಳ್ಳಲಿದೆ. ಮುಂದಿನ ತಿಂಗಳ 30 ರೊಳಗೆ ಕ್ಯಾಂಟೀನ್ ಗಳಿಗೆ ಬೆಳಿಗ್ಗೆ ಟಿಫಿನ್, ಮಧ್ಯಾಹ್ನ ಮತ್ತು ರಾತ್ರಿ ಊಟವನ್ನು ಪೂರೈಸುವ ಏಜೆನ್ಸಿಗಳನ್ನು ಅಂತಿಮಗೊಳಿಸಲಾಗುತ್ತದೆ ಎಂದು ತಿಳಿದುಬಂದಿದೆ.