ಕ್ರೀಡೆ
ಗೆಳೆಯನ ನೆನೆದು ಕಣ್ಣೀರಿಟ್ಟ ಮಾಜಿ ಕ್ರಿಕೆಟರ್; ಡೇವಿಡ್ ಜಾನ್ಸನ್ ಬಗ್ಗೆ ವಿಜಯ್ ಭಾರದ್ವಾಜ್ ಏನಂದ್ರು?
ಭಾರತ ಕ್ರಿಕೆಟ್ ತಂಡದ ಮಾಜಿ ವೇಗಿ ಡೇವಿಡ್ ಜಾನ್ಸನ್ (53) ಇಹಲೋಕ ತ್ಯಜಿಸಿದ್ದಾರೆ. 53ರ ಜಾನ್ಸನ್ ನಿಧನಕ್ಕೆ ಭಾರತ ಕ್ರಿಕೆಟ್ ತಂಡದ ಮಾಜಿ ಕ್ರಿಕೆಟಿಗ ವಿಜಯ್ ಭಾರದ್ವಾಜ್ ಕಂಬನಿ ಮಿಡಿದಿದ್ದಾರೆ. ಈ ವೇಳೆ ಡೇವಿಡ್ ಜಾನ್ಸರ್ರ ಕೊಡುಗೆಯನ್ನ ಸ್ಮರಿಸಿಕೊಂಡಿದ್ದಾರೆ.
ಆನ್ಫೀಲ್ಡ್ನಲ್ಲಿ ಡೇವಿಡ್ ಜಾನ್ಸನ್ ಫೈಟರ್ನಂತೆ ಹೋರಾಟ ಮಾಡುತ್ತಿದ್ದರು. ಆದರೆ, ನಿಜ ಜೀವನದಲ್ಲಿ ಹೋರಾಟ ಮಾಡಲು ವಿಫಲರಾಗಿದ್ದಾರೆ. ನಾನು 10 ವರ್ಷಗಳ ಕಾಲ ಜಾನ್ಸನ್ ಜೊತೆ ಕ್ರಿಕೆಟ್ ಆಡಿದ್ದೇನೆ. 90ರ ದಶಕದ ದೇಶಿ ಕ್ರಿಕೆಟ್ನಲ್ಲಿ ಕರ್ನಾಟಕ ಕ್ರಿಕೆಟ್ ತಂಡ ಪಾರಮ್ಯ ಮೆರೆಯಲು ಡೇವಿಡ್ ಜಾನ್ಸನ್ ಪಾತ್ರ ದೊಡ್ಡದಿದೆ ಎಂದು ಭಾರತ ತಂಡದ ಮಾಜಿ ಕ್ರಿಕೆಟರ್ ವಿಜಯ್ ಭಾರದ್ವಾಜ್ ನೆನೆದಿದ್ದಾರೆ.
ಯಾರು ಈ ಡೇವಿಡ್ ಜಾನ್ಸನ್?
ಇನ್ನು, ಭಾರತದ ಕ್ರಿಕೆಟ್ ತಂಡದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದ ಈ ಡೇವಿಡ್ ಜಾನ್ಸನ್ ಮೂಲತಃ ಕನ್ನಡಿಗ. ಕರ್ನಾಟಕದ ಹಾಸನ ಮೂಲದ ಅರಸೀಕೆರೆಯ ಈ ಪ್ರತಿಭೆ ಟೀಂ ಇಂಡಿಯಾ ತಂಡದಲ್ಲಿ ಗುರುತಿಸಿಕೊಂಡಿದ್ದರು. ಭಾರತ ಪರ 2 ಟೆಸ್ಟ್‌ ಪಂದ್ಯಗಳನ್ನಾಡಿದ್ದ ಕೀರ್ತಿ ಇವರಿಗಿದೆ.