ದೇಶ
ಹಾಲಿವುಡ್ ರೇಂಜ್ ಮೇಕಿಂಗ್‌; ಪ್ರಭಾಸ್ ‘ಕಲ್ಕಿ’ಗೆ ಸಿಕ್ಕ ರೇಟಿಂಗ್ ಎಷ್ಟು?
ಡಾರ್ಲಿಂಗ್ ಪ್ರಭಾಸ್, ದೀಪಿಕಾ ಪಡುಕೋಣೆ, ಅಮಿತಾಬ್ ಬಚ್ಚನ್ ಅಭಿನಯದ ಕಲ್ಕಿ 2898 AD ಸಿನಿಮಾಗೆ ಮೊದಲ ದಿನವೇ ಭರ್ಜರಿ ರೆಸ್ಪಾನ್ಸ್‌ ಸಿಕ್ಕಿದೆ. ಫಸ್ಟ್ ಡೇ ಫಸ್ಟ್ ಶೋ ನೋಡಿದ ಅಭಿಮಾನಿಗಳು ಇದು ಪಕ್ಕಾ ಯೂನಿವರ್ಸಲ್ ಸಿನಿಮಾ. ಮೇಕಿಂಗ್‌ ಅಂತೂ ಹಾಲಿವುಡ್ ರೇಂಜ್‌ನಲ್ಲಿದೆ ಎನ್ನುತ್ತಿದ್ದಾರೆ.
ಕಲ್ಕಿ ನೋಡಿದ ಸಿನಿ ಪ್ರೇಕ್ಷಕರಿಗೆ ಹಾಲಿವುಡ್ ಸಿನಿಮಾ ನೋಡಿದ ಅನುಭವ ಆಗಿದೆ. ಅತ್ಯಾಧುನಿಕ ತಂತ್ರಜ್ಞಾನ, ಅತ್ಯಾಧುನಿಕ ಸೆಟ್ಗಳಲ್ಲಿ ಇಡೀ ಸಿನಿಮಾವನ್ನು ಅದ್ಧೂರಿಯಾಗಿ ಚಿತ್ರೀಕರಿಸಲಾಗಿದೆ.
ಅದ್ಭುತ ಆ್ಯಕ್ಷನ್ ಸೀನ್ಗಳು!
ಕಲ್ಕಿ ಸಿನಿಮಾದಲ್ಲಿ ಪ್ರಮುಖವಾಗಿ ಮಾನವ ಸಮಾಜವನ್ನು ಮೀರಿದ ಲೋಕವನ್ನು ಪ್ರೇಕ್ಷಕರ ಮುಂದೆ ತೆರೆದಿಡುವ ಪ್ರಯತ್ನ ಮಾಡಲಾಗಿದೆ. ಪಾತ್ರಗಳ ಗೆಟಪ್, ಅವರು ಬಳಸುವ ವಾಹನಗಳೆಲ್ಲವೂ ವಿಶೇಷವಾಗಿದೆ. ಆ್ಯಕ್ಷನ್ ಸೀನ್‌ಗಳಂತೂ ಬೇರೆ ಲೆವೆಲ್‌ನಲ್ಲಿ ಮೂಡಿ ಬಂದಿದೆ. ನಿರ್ದೇಶಕರ ಕಲ್ಪನೆ ಹಾಗೂ ಅದನ್ನ ತೆರೆ ಮೇಲೆ ತಂದಿರುವ ರೀತಿ ಒಂಥರಾ ಸಾಧನೆಯೇ ಸರಿ. ಒಟ್ಟಿನಲ್ಲಿ ಕಲ್ಕಿ ನೋಡಿದ ಅಭಿಮಾನಿಗಳಿಗೆ ಥೇಟ್ ಹಾಲಿವುಡ್ ಸಿನಿಮಾಗಳಲ್ಲಿ ನೋಡುವ ಸೀನ್ಗಳು ಕಣ್ಮುಂದೆ ಬಂದಿವೆ.
ಡಾರ್ಲಿಂಗ್ ಫ್ಯಾನ್ಸ್‌ಗೆ ಹಬ್ಬ!
ಕಲ್ಕಿ 2898 AD ಸಿನಿಮಾ ಪಕ್ಕಾ ಡಾರ್ಲಿಂಗ್ ಪ್ರಭಾಸ್ ಫ್ಯಾನ್ಸ್‌ ಹಬ್ಬವಾಗಿದೆ. ಪ್ರಭಾಸ್ ಕಾಮಿಡಿ, ಹೀರೋಯಿಸಂ, ಮ್ಯಾನರಿಸಂ ಎಲ್ಲವೂ ಈ ಚಿತ್ರದಲ್ಲಿದೆ. ಈ ಹಿಂದಿನ ಪ್ರಭಾಸ್ ಇವರಲ್ಲ. ಇದು ಕಂಪ್ಲೀಟ್ ನ್ಯೂ ಲುಕ್ ನ್ಯೂ ಗೆಟಪ್ ಎನ್ನಬಹುದು. ಸಲಾರ್ ಆದ್ಮೇಲೆ ಪ್ರಭಾಸ್ ಸಿನಿ ಕರಿಯರ್‌ಗೆ ಇದು ಒಳ್ಳೆಯ ಚಿತ್ರ ಎನ್ನಬಹುದು.
ದೀಪಿಕಾ ಪಡುಕೋಣೆ ತುಂಬಾ ಮುಖ್ಯವಾದ ಪಾತ್ರ ನಿರ್ವಹಿಸಿದ್ದಾರೆ. ದೀಪಿಕಾ ಪಾತ್ರವೇ ಕಲ್ಕಿ ಚಿತ್ರದ ತಿರುವು ಹಾಗೂ ಪ್ರಧಾನ ಕಥಾ ವಸ್ತು ಆಗಿದೆ. ಸಿಕ್ಕ ಅವಕಾಶದಲ್ಲಿ ದೀಪಿಕಾ ಪಡುಕೋಣೆ ಅವರು ಅಷ್ಟೇ ನೀಟ್ ಆಗಿ ಅಭಿನಯಿಸಿದ್ದಾರೆ.
ಕಲ್ಕಿ ಸಿನಿಮಾದ ಸ್ಪೆಷಲ್ ರೋಲ್ನಲ್ಲಿ ವಿಜಯ್ ದೇವರಕೊಂಡ, ದುಲ್ಕರ್ ಸಲ್ಮಾನ್, ರಾಜಮೌಳಿ, ದಿಶಾ ಪಟಾನಿ, ಶೋಭನಾ, ಬ್ರಹ್ಮಾನಂದಂ, ಮಾಳವಿಕಾ ನಾಯರ್ ಹೀಗೆ ದೊಡ್ಡ ತಾರಾಗಣವೇ ಇದೆ. ಎಲ್ಲರೂ ಸಿನಿಮಾದಲ್ಲಿ ಪ್ರೇಕ್ಷಕರಿಗೆ ಇಷ್ಟ ಆಗುತ್ತಾರೆ.