ಹ್ಯಾಪಿ ಬರ್ತ್​​​ಡೇ ಕತ್ರಿನಾ: ಸುಂದರ ನಟಿಗೆ ಶುಭಾಶಯಗಳ ಮಹಾಪೂರ – HBD Katrina

ಮುಂಬೈ (ಮಹಾರಾಷ್ಟ್ರ): ಬಾಲಿವುಡ್‌ನ ಅತ್ಯಂತ ಸುಂದರ ಮತ್ತು ಬಹುಬೇಡಿಕೆ ನಟಿಯರಲ್ಲಿ ಒಬ್ಬರಾದ ಕತ್ರಿನಾ ಕೈಫ್ ಇಂದು ಜನ್ಮದಿನದ ಸಂಭ್ರಮದಲ್ಲಿದ್ದಾರೆ. 41ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ನಟಿಗೆ ಕುಟುಂಬ ಸದಸ್ಯರು, ಸಿನಿ ಸ್ನೇಹಿತರು, ಆತ್ಮೀಯರು ಸೇರಿದಂತೆ ಅಭಿಮಾನಿಗಳು ವಿಶೇಷವಾಗಿ ಶುಭಕೋರುತ್ತಿದ್ದಾರೆ. ಸೋಷಿಯಲ್​ ಮೀಡಿಯಾದಲ್ಲೀಗ ನಟಿಯ ಸಿನಿಮಾ, ಗ್ಲ್ಯಾಮರ್​​ ಜೊತೆಗೆ ಆಸ್ತಿಪಾಸ್ತಿ ಬಗ್ಗೆ ನೆಟ್ಟಿಗರು ಚರ್ಚೆ ನಡೆಸುತ್ತಿದ್ದಾರೆ.

ಕ್ಯಾಟ್​​ ಖ್ಯಾತಿಯ ಕತ್ರಿನಾ ಕೈಫ್​ 2003ರಲ್ಲಿ ತೆರೆಕಂಡ ‘ಬೂಮ್’ ಚಿತ್ರದ ಮೂಲಕ ಬಾಲಿವುಡ್‌ನಲ್ಲಿ ತಮ್ಮ ವೃತ್ತಿಜೀವನ ಪ್ರಾರಂಭಿಸಿದರು. ಯಶಸ್ವಿ ಚಿತ್ರಗಳನ್ನು ಕೊಡುತ್ತಾ ಚಿತ್ರರಂಗದಲ್ಲಿ ಎರಡು ದಶಕಗಳನ್ನು ಪೂರೈಸಿರುವ ಕತ್ರಿನಾ ಸದ್ಯ ಅತ್ಯಂತ ಯಶಸ್ವಿ ನಟಿಯರಲ್ಲಿ ಒಬ್ಬರು. ನಟಿಯ ನೆಟ್​ ವರ್ತ್​​​​ ಪತಿ ವಿಕ್ಕಿ ಕೌಶಲ್‌ ಅವರಿಗಿನ್ನ ಹೆಚ್ಚು. ಕತ್ರಿನಾ, ಬಾಲಿವುಡ್​ನಲ್ಲೇ ಗುರುತಿಸಿಕೊಂಡಿರುವ ನಟ ವಿಕ್ಕಿ ಕೌಶಲ್ ಅವರನ್ನು 2021ರ ಡಿಸೆಂಬರ್ 9ರಂದು ಮದುವೆಯಾದರು. ನಟನೆಯ ಹೊರತಾಗಿ ಕತ್ರಿನಾ ವಿವಿಧ ವೇದಿಕೆಗಳಿಂದ ಆದಾಯ ಗಳಿಸುತ್ತಿದ್ದು, ಶ್ರೀಮಂತ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ.

ಕತ್ರಿನಾ ಕೈಫ್ ಮುಂಬೈನ ಬಾಂದ್ರಾದಲ್ಲಿ ಸುಮಾರು 8 ಕೋಟಿ ಮೌಲ್ಯದ 3 ಬಿಹೆಚ್​ಕೆ ಅಪಾರ್ಟ್​​​ಮೆಂಟ್​​​​ ಹೊಂದಿದ್ದಾರೆ. ಅಲ್ಲದೇ, ಲಂಡನ್‌ನಲ್ಲಿ 7-8 ಕೋಟಿ ರೂ. ಮೌಲ್ಯದ ಬಂಗಲೆ ಹೊಂದಿದ್ದಾರೆ. ಆಡಿ, ಮರ್ಸಿಡಿಸ್, ರೇಂಜ್ ರೋವರ್ ವೋಗ್ ನಂತಹ ಐಷಾರಾಮಿ ಕಾರುಗಳು ಸಹ ನಟಿಯ ಬಳಿ ಇವೆ. 2019ರ ಫೋರ್ಬ್ಸ್ 100 ಶ್ರೀಮಂತ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಕತ್ರಿನಾ 23ನೇ ಸ್ಥಾನದಲ್ಲಿದ್ದರು. ಹಲವು ಯಶಸ್ವಿ ಚಿತ್ರಗಳನ್ನು ಕೊಟ್ಟಿರುವ ಕ್ಯಾಟ್​​​ ಅಭಿನಯದ ಮುಂದಿನ ಚಿತ್ರಗಳಿಗೆ ಅಂಪಾರ ಸಂಖ್ಯೆಯ ಅಭಿಮಾನಿಗಳು, ಸಿನಿಪ್ರಿಯರು ಎದುರು ನೋಡುತ್ತಿದ್ದಾರೆ.