athlelitics
ತಿರಂಗದ ಮೇಲೆ ಆಟೋಗ್ರಾಫ್ ಹಾಕಲಾರೆ’: ‘ಚಿನ್ನದ ಹುಡುಗ’ ನೀರಜ್ ಚೋಪ್ರಾ
ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ ಫೈನಲ್ನಲ್ಲಿ ಚಿನ್ನದ ಪದಕ ಗೆದ್ದ ನೀರಜ್ ಚೋಪ್ರಾ ಅವರಿಗೆ ಅಭಿಮಾನಿಯೊಬ್ಬರು ಭಾರತದ ಧ್ವಜದ ಮೇಲೆ ಆಟೋಗ್ರಾಫ್ ಹಾಕುವಂತೆ ಕೇಳಿದ್ದಾರೆ. ನಯವಾಗಿಯೇ ನಿರಾಕರಿಸಿದ ನೀರಜ್, ಅಭಿಮಾನಿಯ ಟೀ ಶರ್ಟ್ನ ತೋಳಿಗೆ ಸಹಿ ಹಾಕಿ ದೇಶಾಭಿಮಾನ ಮೆರೆದರು.
ಬುಡಾಪೆಸ್ಟ್ (ಹಂಗೇರಿ): ನೀರಜ್ ಚೋಪ್ರಾ ಅವರಿಂದು ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನಲ್ಲಿ 88.17 ಮೀಟರ್ ದೂರ ಚಾವೆಲಿನ್ ಥ್ರೋ ಮಾಡಿ ಐತಿಹಾಸಿಕ ಸಾಧನೆಯೊಂದಿಗೆ ಮತ್ತೊಮ್ಮೆ ಭಾರತಕ್ಕೆ ವಿಶೇಷ ಗೌರವ ತಂದುಕೊಟ್ಟಿದ್ದಾರೆ. ಈ ಸಾಧನೆಯ ಮೂಲಕ ಶತಕೋಟಿ ಅಭಿಮಾನಿಗಳ ಹೃದಯವನ್ನೂ ಚೋಪ್ರಾ ಗೆದ್ದರು. ಇದರ ಹೊರತಾಗಿ ಚೋಪ್ರಾ ನಡೆಯೊಂದು ಇನ್ನಷ್ಟು ಮೆಚ್ಚುಗೆ ಗಳಿಸಿದೆ.
ಹಂಗೇರಿಯಾದ ಅಭಿಮಾನಿಯೊಬ್ಬರು ನೀರಜ್ ಬಳಿ ಬಂದು ಭಾರತದ ತ್ರಿವರ್ಣ ಧ್ವಜದ ಮೇಲೆ ಆಟೋಗ್ರಾಫ್ ಹಾಕಿಕೊಡುವಂತೆ ಮನವಿ ಮಾಡಿದ್ದಾರೆ. ಇದಕ್ಕೆ ಗೌರವಪೂರ್ವಕವಾಗಿಯೇ ಅವರು ನಿರಾಕರಿಸಿದರು. “ವಹಾ ನಹಿ ಸೈನ್ ಕರ್ ಸಕ್ತಾ (ಅಲ್ಲಿ ಸಹಿ ಹಾಕಲು ಸಾಧ್ಯವಿಲ್ಲ)” ಎಂದು ಅವರು ಹೇಳಿದರು. ಭಾರತದ ಧ್ವಜ ಸಂಹಿತೆಯ 3.28ರ ಪ್ರಕಾರ, “ಧ್ವಜದ ಮೇಲೆ ಯಾವುದೇ ರೀತಿಯ ಅಕ್ಷರಗಳನ್ನು ಬರೆಯುವಂತಿಲ್ಲ”.