ಬಿಬಿಎಂಪಿ
ಗಿಡ ನಟ್ಟು ಬೆಳೆಸಲು ಕೋಟಿ ಕೋಟಿ- ಗ್ರೀನ್ ಸಿಟಿ ಹೆಸರಿನಲ್ಲಿ ಬಿಬಿಎಂಪಿ ಲೂಟಿ!
ಬೆಂಗಳೂರು: ಬಿಬಿಎಂಪಿ ಅಧಿಕಾರಿಗಳು ತಮ್ಮ ವ್ಯಾಪ್ತಿಗೆ ಬರದಿರುವ ಸ್ಧಳಗಳಲ್ಲಿಯೂ ಸಹ ಗ್ರೀನ್ ಸಿಟಿ ಹೆಸರಿನಲ್ಲಿ ಗಿಡ ನೆಡಲು ಟೆಂಡರ್ ಕರೆದಿರುವುದು ಬೆಳಕಿಗೆ ಬಂದಿದೆ, ಒಟ್ಟು 24 ಕೋಟಿ ರೂ ಮೊತ್ತದ ಟೆಂಡರ್ ಕರೆದಿರುವ ಪಾಲಿಕೆ ಹಣ ಲೂಟಿಗೆ ಮುಂದಾಗಿದ್ದಾರೆಂಬ ಟೀಕೆ ಸಾರ್ವಜನಿಕ ವಲಯದಿಂದ ಕೇಳಿಬಂದಿದೆ,
ಬಿಬಿಎಂಪಿ ವ್ಯಾಪ್ತಿಯಲ್ಲಿ ಮೆಟ್ರೋ, ರಸ್ತೆ ಅಗಲೀಕರಣಕ್ಕಾಗಿ ಸಾವರಾರು ಮರಗಳನ್ನು ಕಡಿದು ಹಾಕಲಾಗಿತ್ತು, ನೈಸರ್ಗಿಕ ಸಮತೋಲನ ಕಾಯ್ದುಕೊಳ್ಳಲು ಇದಕ್ಕೆ ಪರಿಹಾರವಾಗಿ ಬೆಂಗಳೂರಿನ ಮತ್ತೊಂದು ಕಡೆ ಗಿಡ ನೆಡಸಬೇಕಿತ್ತು, ಅದರೆ ಬಿಬಿಎಂಪಿ ಅಧಿಕಾರಿಗಳು ಬೆಂಗಳೂರಿಗೆ ಸಂಬಂಧವೇ ಇಲ್ಲದ ದಾಬಸ್ ಪೇಟೆ ಯಲ್ಲಿ ಗಿಡಗಳನ್ನು ನೆಟ್ಟು ಬೆಂಗಳೂರಿನ ಜನರ ಆಸ್ತಿ ತೆರಿಗೆ ವೆಚ್ಚ ಮಾಡಲು ಮುಂದಾಗಿದ್ದಾರೆ,
ದಾಬಸ್ ಪೇಟೆಯ ಹೈವೇ ರಸ್ತೆಯಲ್ಲಿ ಒಂದು ಗಿಡ ನೆಟ್ಟು ಮೂರು ವರ್ಷದ ಪೋಷಣೆ ಮಾಡಲು 3,100 ರೂ ನಿಗದಿ ಮಾಡಲಾಗಿದೆ, ಸುಮಾರು 10900 ಗಿಡ ನೆಡಲು 3.40 ಕೋಟಿ ಮೊತ್ತಕ್ಕೆ ಬಿಬಿಎಂಪಿ ಟೆಂಡರ್ ಕರೆಯಲಾಗಿದೆ,